“So, how’s last night Len?”
“Hm-hmm.. Okay naman Cress.”
Kasama ko ngayon ang pinsan kong si Cress sa bahay nila. Gusto daw niyang magpa-tutor sa Math, pero nakikita kong hindi naman talaga iyon ang habol niya. Sa totoo lang, sa tingin ko e gusto lang niya talaga alamin kung anong nangyari sa akin kagabi sa gig nila Gelo.
“Ay, sandal Len! May cake nga pala sa ref. Kainin natin! Masisira lang kasi yun sa ref, sayang.” Agad siyang tumayo mula sa pagkakaupo sa kama niya’t tumungo agad sa kusina.
Well, the morning’s pretty good. Hindi ko alam, pero good vibes talaga ako kanina sa school, hindi katulad kahapon. Napansin ng marami iyon, and I do hope na nahawaan ko sila ng good vibes. Haha. As for the two guys, well parang wala lang nangyari kagabi. We had normal talks like we used to do.
Umakyat si Cress na may dala-dalang hati ng cake na halos kalahati ng isang medium sized round cake.
“Alam mo Cress, hindi na ako magtataka kung magka-Diabetes ka.” Sabi ko sa kanya nang makita ang cake na dala.
“Okay lang yun!” kampanteng sagot niya. “Wala sa linya ng pamilya natin yun!” binigyan niya ako ng platito’t naglagay na rin cake.
“Baka naman sayo magsimula yun no!”
“Hah! Hindi yan, ako pa!” sabay subo ng cake. Simula talaga nang makilala ko si Cress e mahilig na talaga siya sa matatamis. Lalo na sa cake. Well, sa dami ng dala niyang cake e it explains it all.
“Anyway,” kinuha na niya yung Math book niya’t binuksan ulit sa chapter na hindi niya magets. “Kamusta naman ba yung gig nila Gelo?”
“I already told you, ok nga lang.” tinignan ko yung pinapasagutan ko kay Cress. “O, hindi mo masagutan yan? Ang dali na nga lang niyan o.”
“Sasagutan ko mamya!” sagot niya. “Len naman e!” sabay balik niya sa topic. “Hindi mo naman ineelaborate ng mabuti!”
“Alam mo, naiisip ko talagang hindi ka naman talaga nagpapatutor sa akin. Gusto mo lang talaga malaman kung anong nangyari sa akin kagabi!” sabay subo ko ng cake.
“Hinde, hinde.. Gusto ko talagang magpaturo,” sagot niya. “Pero gusto ko ring malaman kung anong nangyari sayo kagabi!” isang ngiting wagas ang ipinakita niya sa akin.
“Whatever, chismosa ka talaga!” tumawa lang si Cress sa sinabi ko. “O siya, sagutan mo na kasi muna yan!”
“Sasagutan ko muna? Ibig sabihin magsasalita ka rin?”
Ngumiti lang ako. “Oo na! Matitiis ba kita? E couz kaya kita!”
“Yii! Thanks couz!” niyakap lang niya ako’t nagpatuloy na siya sa pagsasagot.
Ilang oras din ang lumipas bago magets ng tuluyan ni Cress yung pinapatutor niya. Napagod kaming pareho’t nabusog sa dami ng cake na nakain namin. Orange na namang muli ang sinag ng araw; ang bilis talaga lumipas ng oras.
Nakita lang namin ang isa’t-isang nakahiga sa kama’t nakatingin sa kisame. Hindi ko alam kung anong iniisip nitong pinsan ko, natahimik kasi.
“Alam mo couz,” nagsimula nang magsalita si Cress. “Naiinggit ako sayo.”
“Ha?” napatayo ako mula sa pagkakahiga ko. “Ano naman kinaiinggitan mo sa akin?”
“Kasi ang dami mong boylet e!” Sagot niya. “Pero ako, wala! Magpinsan naman tayo, pareho naman tayong maganda!”
Wala akong ibang nasabi’t nagawa kundi ang tumawa ng malakas. “Haha! Ano ba naman yan Cress, akala ko naman kung anong sasabihin mo! And FYI, wala akong boylet!”
“So,” humarap na siya sa akin na may ngiti. “Ano na bang nangyari kagabi?”
“Wala naman kasi talaga,” sagot ko habang nakatingala sa kawalan. “Nag-enjoy lang ako sa tugtugan, ayun!”
“Nakausap mo ba si Gelo?”
“Si Gelo?” sa oras na iyon e naalala ko yung aksidenteng nangyari sa amin. I prefer not to tell her kasi sure namang kukutyain na naman niya ako. “Well, hindi ko siya masyadong nakausap. Halos buong oras na nasa gig ako e tugtugan lang ang ginawa nila.”
“So I see,” sagot niya. “E si Mart naman?”
“Honestly speaking, siya lang yung nakausap ko ng madalas sa mga panahong iyon.”
“And? What did you talk about?” curious niyang tanong.
“The usual! Puro katatawanan, kwento, anything under the sun! May part na nagkaroon ng sharing ng secrets, ayun!”
“Yun lang pinag-usapan niyo?”
Tumango lang ako sa tanong niya.
“As in, yun lang?”
“Oo nga!” sabi ko. “Ano pa bang iniisip mong pinag-usapan namin ha?”
“Sabi ko lambingin niya si Len e!” pabulong at pailing na sabi ni Cress, pero nadinig ko pa rin.
“Ano? Anong lambing-lambing yang sinasabi mo?” agad akong nag-react sa narinig ko.
“Oops!“ napatakip siya sa sarili niyang bibig. “Narinig mo yun? Ah- eh este wala yon couz! Ahehe!” sagot niya.
“You did it on purpose, didn’t you?” tinuro ko siya habang nagtatanong.
“Did what?” kunwaring walang alam na sagot niya.
“Sinadya mong hindi sumama sa gig para kaming dalawa ni Mart yung magkasama ano?”
“Well, I think I’m already busted! Haha!” natatawa niyang sagot.
“Hay nako Cress! Nakakainis ka naman e?” sinampal ko siya ng unan.
“Pero nag-enjoy ka naman talaga diba? Aminin!”
“Syempre dapat enjoyin ko yung event ano! Nakakahiya naman kay Gelo kung nandun nga ako tapos hindi ko naman naeenjoy yung tugtugan nila.”
“Hay nako, palusot ka pa! Ang sabihin mo, na-enjoy mo talaga yung moment nyo ni Mart!”
“How many times would I..? Grr. Bahala ka nga!” medyo naiinis kong sabi.
“Haha! Couz naman,” medyo lumapit sa akin si Cress. “Alam kong pag inaasar kita e iniisip mong pang-aasar yung ginagawa ko sayo.”
“E ano pa nga ba? Diba pang-aasar naman talaga yun?”
“Actually Len, inaasar kita on purpose. Hindi yung gusto lang kita asarin kasi trip ko.”
“Go on,” at this moment gusto kong marining kung anong gustong sabihin sa akin ni Cress.
“Actually, gusto lang talaga kitang paaminin.. Haha!”
“Ha? Anong paaminin?” pagtataka ko.
“Ano, I mean gusto kong mag-open ka sakin ng mga ganyan.. Kasi hindi ka naman nagshe-share ng sikretong love life e?”
“Haaa?” mas lalong pagtataka ko. “E wala naman akong ikukwento sayong ganun ah?”
“Hinde,” pagpupumilit niya. “Alam ko meron e, I feel it! You just won’t tell me!”
Napataas ang kilay ko sa sinabi niya. Aba, she feels it daw! As if meron naman, haha!
“Alam mo, kahit hindi mo sabihin nararamdaman kong may something ka sa isa sa dalawang yun Len. Dinedeny mo lang kasi ayaw mong aminin sa akin pati na rin sa sarili mo!”
Sa sinabing iyon ni Cress e bigla akong napaisip. Meron nga kaya akong nararamdaman, pero ayoko lang talagang aminin sa sarili ko?
“Well..”
Sa puntong iyon ay nakita kong interesadong makinig si Cress sa susunod kong sasabihin. Yung itsura niya ngayon e hindi yung tipong mangungulit o mang-aasar, parang isa siya sa mga karakter sa mga ginagawa kong short stories na kung saan siya yung handang makinig sa hinanakit ng bida. And to think na kailangan ko rin ng mapagsasabihan ng mga ganitong sikreto maliban kay mama.
“I don’t actually feel anything or something for Mart.” Unang sabi ko. “I don’t know, parang siya lang yung tipong masarap kasama, kakwentuhan, kasundo sa maraming bagay.. Yung ganun!”
“I see,” sagot niya. “You feel comfortable with him, ganun?” tumango lang ako sa tinanong niya.
“As for Gelo?” sunod niyang tanong.
Dun ko naramdaman na parang kumabog yung dibdib ko. Narinig ko pa lang ang pangalan niya e kinilabutan na ako.
“Hindi ko alam couz,” sagot ko.
This is the only time I actually realized my true feelings for them. Na kung sino ang dalawang tao na ito para sa akin, and I know nasabi ko sa tamang tao ang mga ito.
“If you’re confused, then I think you really have something for Gelo.” Ang sabi sa akin ni Cress. “Aminin mo na, you like him!”
Napatingin lang ako sa kanya. She’s actually telling me to confess!
“I, I think so!” Sagot ko. “Siguro nga crush ko si Gelo!”
So it’s official. Since nasabi ko na na crush ko nga si Gelo, I guess there is no turning back now.
“I knew it!” patalong sabi ni Cress. “Alam mo hindi naman kasi maitatago sa gestures mo na gusto mo siya eh!”
“At kelan ka pa nagging expert sa pag-observe ng gestures ng isang tao?”
“Well, kung ikaw yung ioobserve hindi na kelangan maging expert. Duh! Halata naman e!”
Ugh. Ganun ba talaga ako kahalata? Or I wasn’t really myself pag nagagawa ko yung mga yun? Whatever.
“Hindi na masama,” muling pagsasalita ni Cress. “Gwapo at good-looking naman talaga si Gelo.”
“Well, hindi ko naman siya nagustuhan dahil dun. Ewan ko, hindi ko ma-explain!”
“Then I think that is something for you to hold on, eh?”
“Sana nga,” sabi ko habang nakangiti.
“Don’t worry couz, your secrets are safe with me! Ako pa!”
“Alam ko naman yun! Hindi mo ako ilalaglag diba?”
“Baka itulak lang, ay este-!”
“Hay nako!” muli ko siyang pinalo ng unan.
“Hinde, hinde..” sagot niya habang tumatawa. “What I mean is, if you need help na mapalapit sa kanya tutulungan kita! Ikaw naman!”
“No, thanks! Baka mamaya kung anu-anong kalokohan naman yang gawin mo tulad na lang nung nangyari sa gig!”
“Okay lang yun, you enjoyed it naman!”
“O sige sige, sabi mo e!” sagot ko’t humigang muli.
Nahiga din si Cress at nagsalita na naman. “Alam mo, sa tingin ko mas bagay sayo si Mart.”
“Ano?” gulat ko. “Yung madaldal na yun? Haha!”
“I actually think na cover-up lang niya yung pagiging madaldal niya. Kasi dati hindi naman yan ganyan.”
“Huh? Anong ibig mong sabihin?” na-alarma ako sa sinabi ni Cress. Ibig sabihin kaya nun e nagpapakitag-tao lang sa akin si Mart?
“Well, he’s madaldal in nature naman.” Sagot niya. “Pero hindi nama napapadalas yun, nakadaldalan ko na minsan yan. Sometimes he’s being annoying.”
“Hindi naman ah?” pagdidipensa ko. “Hindi naman talaga siya nakakairita. Kung dumaldal naman siya may sense naman ah?”
“That’s the point!” napabangong sabi ni Cress. “It’s as if he has topics that are only meant to entertain you. Yung hindi ka nabobore! Gusto niya laging may sense yung sinasabi niya sayo. And that makes you interested in him.”
“Huh?” ang nasabi ko lang sa lahat ng sinabi niya.
“ Tsk,” medyo inis na sabi niya. “Don’t you get it Len? He wants your attention. Meaning he likes you! Gusto ka niya!”
“Ako?” paglilinaw ko. “Gusto niya.. ako?”
Tumango lang si Cress sa tanong ko na parang tuwang-tuwang malaman na nagets ko yung gusto niyang ipahiwatig.
“No.. No no no. I don’t think so. Sa tingin ko, madaldal lang talaga siya sa akin tulad ng pagiging madaldal niya sa iba.”
“Ugh! Bakit ba hindi mo makita yung nakikita ko Len? Open your eyes!”
“Ewan ko sayo Cress! Basta ako, kaibigan ang turing ko kay Mart!” napakibit-balikat ako.
“Hay nako Len. Trust me! Magaling instinct ko sa ganyan! Talagang gusto ka ni Mart! Nako.”
“Hmm. Ok sige.” Sarcastic kong sagot nang matahimik lang siya sa kakangawa niyang gusto ako ni Mart.
Well, I don’t really think he likes me. Ewan ko, talagang kaibigan lang ang dating sa akin ni Mart. And I’m sure ganun din ang tingin sa akin ni Mart. I’m comfortable to be his friend and to be a friend to him only. Pero kung gusto niya nga ako.. Ewan. Ayokong mag-expect. Expectations have consequences at the end.
As for now, naiba na lalo ang tingin ko kay Gelo. I finally understood why I act such behavior in front of him. Kung bakit kabado pero masaya ako tuwing kasama ko siya. Kung bakit gustong-gusto kong nakikita siya at naririnig ang boses niya. Kung bakit big deal sa akin ang pagiging sweet at gentleman niya sa akin kahit na hindi ko alam kung sa akin lang siya ganun. Na kung bakit sa tuwing naririnig ko ang pangalan niya, nawawala ang mga sama ng loob ko at napapaganda niya ang araw ko.
Yes, I finally know why. Yun ay dahil ang lahat ng nararamdaman ko sa harap niya ay nararamdaman ng isang babaeng may pagtingin at paghanga sa isang lalaki. I like him. Gusto ko si Gelo. Pero hindi ko alam kung kakayanin kong mahalin siya. Oo, mahalin. Dahil natatakot ako na baka sa pagsisimulang ito ay tuluyan akong mahulog sa kanya. Pero hayun lang siya, nakatayo’t tinitignan akong mahulog. Natatakot ako’t ayokong mangyari iyon. Ayoko..
0 Comments:
Post a Comment