My afternoon with my cousin Cress was.. Uhm, pano ko ba ieexplain? Sweet and one-of-a-kind? Sweet kasi napadami yung kain naming ng cake, to the point na ayaw ko nang maghapunan. One-of-a-kind naman kasi kakaiba yung usapan namin. Well, kakaiba siya kasi napaamin at naparealize niya ako sa bagay-bagay. Basta. Alam nyo na yun!
Sa pag-amin kong may gusto ako kay Gelo ay napakwento ako sa kanya ng maraming bagay. As in marami, open na open na lahat ng sinasarili ko. Haha. Wala rin akong nagawa kundi sabihin yung di sinasadyang pangyayari sa amin ni Gelo kagabi na pinagdadalawang-isip kong sabihin sa kanya. Eto namang si Cress, kinikilig na para bang nanonood ng isang Box Office romantic movie. Hindi ko rin naman siya masisi, dahil kahit ako nung maranasan ko yun e kinilig din ako.
Sa tuwing magkukwento ako sa kanya ng tungkol kay Gelo e tuwang-tuwa siya. Pinapakita niyang masaya naman siya’t kay Gelo ako nagkagusto. Sabi niya kasi e puro mga walang hiya ang lalake sa school namin. And since hindi ko pa naman nakikilala lahat ng batch mates ko e tumawa na lang ako.
SI Gelo daw yung tipong maginoo at kagigiliwan talaga ng mga babae. Marami na ring nagkagusto sa kanya, hindi rin daw naman maiwasan kasi nga boy-next-door ang dating niya. Hindi na rin siya nagtaka sa akin na magkagusto ako kay Gelo. Pero ni isa sa mga nagkagusto sa kanya e hindi pa niya nagiging nobya. Medyo kinabahan ako ng konti sa narinig ko kasi marami na daw nagkagusto, and yet none of them became his girlfriend. But well, hindi ko naman hinahangad na maging kami. Inistress-out pa ni Cress na ‘hindi pa’ daw, kasi baka may pag-asa daw ako. Chos! Parang ewan lang e. Pero.. gusto ko yun. Masarap pakinggan. Haha! Ang landi!
Kapag si Mart naman yung kinukwento ko, kinikilig din siya. Ewan ko ba sa babaeng ‘to. Natutuwa siya kay Gelo, tapos kay Mart ganun din. Sabi niya e mas bagay daw talaga kami. Mas unique daw kung si Mart ang pag-iinteresan ko. Ugh.
Si Mart naman daw kasi e intellectual type of guy. Well, I can clearly see that everday sa klase. Matalino and approachable; masarap siyang kakwentuhan. Except for those times na wala na siyang maikwento kundi kung anu-anong bagay na lang. Kung ikukumpara kay Gelo, according to Dr. Love herself, hindi siya yung tipong romantic at nakakakilig ang dating. What a girl might like to a guy like Mart is his intelligence and cleverness. Isa daw talaga sa kahanga-hanga sa isang tao ang talino. I know that pretty well, at yun din ang kinatutuwa ko kay Mart. At kung magiging couple daw kami e mag-uumapaw ang aura ng intellect at creativity pati na rin ang uniqueness sa aming dalawa. Hay, minsan naiisip ko mas malawak ang imagination ni Cress kesa sa akin.
Pati na rin yung mga hinala ko tungkol sa hair clip na isinuot ko kagabi ay nakwento ko na sa kanya. Nasabi kong isang misteryosong tao ang nagbigay sa akin ng clip at hindi ko malaman-laman kung sino ang nagbigay. Sa puntong iyon e mas kinilig ang loka kong pinsan. May secret admirer na daw ako’t ang haba na talaga ng hair ko. May Gelo’t Mart na ako, may secret admirer pa!
Hindi ko na rin napigilang ikwento ang tungkol sa usapan naming ni mama tungkol sa signs. Pati yung sign ko e nakwento ko rin sa kanya. Pero parang nawala ang pagka-hype ni Cress nung makwento ko ang tungkol sa bagay na iyon.
“O, ba’t parang nawala yung excitement sa mukha mo?” tanong ko nang mapansing nagshift ng mood si Cress.
“Naniniwala ka sa mga sign-sign na yan?” sinagot nya ang tanong ko ng isang tanong din.
“Bakit?” pagtataka ko. “May problema ba dun? Wala namang mawawala kung susubukan diba?”
“Anong wala? Meron no!”
Naiba na ang tono ng pananalita ni Cress. Sa tono niya ngayon e parang gusto niya akong pangaralan ng isang leksyon.
“Alam mo, yang mga sign-sign na yan paaasahin ka lang niyan!”
“Ba’t mo naman nasabi?”
“Isipin mo. Gumawa-gawa ka ng sign. Yun nga yung kung sino man yung nagbigay ng clip na yun sayo e baka nakatadhana na sayo. Kung pakikinggan pa lang e hindi na makatotohanan. Diba? Paano kung ako yung nagbigay? Meaning ako yung para sayo? But what if may magbigay pang iba?”
“Well,” pilit kong gustong baguhin ang usapan pero stuck na ata kami dito.
“Okay, I know what you’re thinking. Trying wouldn’t hurt, right? Wala lang yun, gawa-gawa lang yun, you might say. Okay lang kahit hindi magkatotoo. Pero what if that sign grew inside you? Na umabot ka na sa puntong umaasa ka na, and yet nothing happened? Paano kung mabalewala lang lahat ng inaasahan mo? What if you didn’t even knew who gave you that clip?”
“Teka teka! Sineseryoso mo na masyado Cress e?” pag-awat ko sa kanya.
“That sign will let you expect from things that are impossible to happen. Ano ka ba Len? Akala ko ba matalino ka? Expectations hurt! Lalo na kung hindi mo nakamit yung ineexpect mo! Only God can give signs!”
Matapos niya akong parangalan e parang nalungkot yung mukha ni Cress. Something that I didn’t expect to happen from this conversation.
“Huy Cress.. Okay ka lang?”
Tumango lang siya habang nakasimagot ang mukha. Base sa facial expression niya e parang nagmumuni-muni siya. Tila may naalala mula sa nakaraan.
“May naalala ka ba Cress?” palapit kong sabi sa kanya. “Did I trigger you to remember something?”
“Ba’t mo naman nasabi yan?” sagot niya.
“Halata kasi sa itsura mo.”
“What’s with my face? Expert ka ba sa pagbabasa ng gestures ng tao?”
“Hindi na kailangan pang expert kung gestures mo lang ngayon ang titignan no, duh. Halata naman e.”
Tumingala siya’t tumingin sa akin. “Linya ko yan kanina ah.” Sabay ngiti.
“Ano? May gusto ka bang sabihin? Parang may tinatago ka sakin e?”
Nagpakawala siya ng isang buntong-hiningang mas malalim pa sa dagat. Sa tingin ko e may dinaramdam itong pinsan ko, hindi lang niya sinasabi.
“Wala yun!” biglang sabi niya. Naging energetic na naman siya na para bang walang iniisip kanina. Hanep sa mood shift.
“Eh?”
“Hayaan mo na yun, wag mo na alalahanin yun! Haha! Hindi mo na kailangang problemahin yon!” tumayo siya’t nakunwaring walang dinamdam kanina. Mukha lang siyang masaya, pero nararamdaman kong malungkot ang babaeng ito.
“Hoy,” hinawakan ko siya sa kamay. “Ang daya mo naman e. Kunwari ka pang wala, e meron naman talaga! Ikaw, pinakwento-kwento mo ko tapos ikaw hindi ka man lang magkukwento!” hinila ko siya pabalik sa kama.
“Eh,” pag-ayaw niya. “Ayoko..”
“Tsk. Sige na! Kung problema yan, dapat sinasabi yan! Wag mong solohin oy!”
Matapos ang ilang ulit ng pangungulit e bumigay din itong si Cress. Hindi ko akalaing may love life pala siya. Haha! Malay ko ba, e hindi naman niya kinukwento sa akin. Di halata sa mga kinikilos niya, ang husay niya kasing magtago ng dinadamdam.
Nagsimula daw lahat iyon sa isang simpleng palatandaan. Sign, in other words. She liked this certain guy, na hindi ko kilala kung sino kasi galing daw sa ibang school. Wag ko na daw kilalanin kasi he’s not worth it. Pero sabi niya Aldren daw ang pangalan.
Hindi ko akalain na itong si Cress ay kiliging type ng babae. Yung tipong konting ganito lang e kikiligin na siya. Well, masasabi kong totoo yan sa usapan pa lang namin kanina. Dinaig pa ko sa kilig, e ako naman talaga yung nakaexperience nung mga kinukwento ko. Haha! Matagal-tagal nang panahon na rin kasi kaming hindi nakakapag-bonding, at sa ganitong panahon lang kami nakakapag cope-up.
Na-meet daw niya itong lalaking ito sa isang sports competition kung saan kasapi yung guy sa isang volleyball team mula sa kalabang school. Hindi naman daw actually kasali si Cress sa competition, nandun lang ang section nila kasama ang isa pang section to cheer their school representatives. This guy caught my cousin’s eye, at ganun din daw ang nangyari sa lalaking iyon. She saw herself cheering for the opponent’s team. Haha!
“It’s not funny!” sagot ni Cress sa tawa ko.
“Sorry, I can’t help but laugh!”
“Hindi talaga nakakatawa yun Len! It was so embarrassing, napagalitan kaya ako! Tapos tingin ko natalo yung team natin dahil sa akin.” Sabi niya.
Wala akong nasabi kundi mas tumawa pa. “Never mind me Cress, ituloy mo lang kwento mo!”
After the game, hindi daw inaasahan ni Cress na lalapit sa kanya si Aldren. Paalis na sana sila nang pinigilan siya’t kinausap.
“Were you just cheering for us?” sabi ni Aldren habang nakahawak sa balikat ni Cress.Sinabayan niya ito ng
“Uh,” napsabit ng buhok sa tenga si Cress nang malamang nilapitan siya ni Aldren. Pinauna na muna niya ang mga kasama’t humarap sa kausap. “Aksidente lang yun.”
“But why were you looking at me everytime I serve?” English speaking na sagot nito sa kanya.
Ang sabi sa akin ni Cress, talagang nairita’t napreskuhan daw siya nung mga kalaunang usapan nila ni Aldren. She didn’t know that this guy acts such. Pero tila hindi niya ininda ang personality ni Aldren. Kilig at paghanga pa rin daw ang nararamdaman niya kung kaya’t nauwi sa palitan ng numero ang katapusan ng usapan nila.
“Ang easy to get mo naman Cress,” abala ko sa kwento niya. “Unang pagkikita niyo pa lang e binigay mo na agad yung number mo! Di ka man lang nagpakipot!”
“Hayaan mo na Len, nangyari na yon!” sagot niya. “Baka nakakalimutan mo, reminisce na lang ‘to ha. Atsaka, ewan ko na lang kung makita mo siya sa mga panahong iyon. Basta!”
“Oo, alam ko! Ituloy mo na.”
Kinagabihan nga ng araw na iyon e tinext daw siya ni Aldren, at agad rin naman niyang nireplyan ang text nito. Pagtapos ng mga ilang araw ng pagtetext at chat sa Facebook ay napadalas din ang pagkikita nilang dalawa, since medyo malapit lang ang school ni Aldren sa school namin. Pero syempre, nanatiling isang lihim ito sa parents niya, kasi hindi pa siya pwedeng magboyfriend. Alam naman nating istrikto ang mga magulang nitong si Cress. Pag-aaral ang laging prayoridad na pinapaalala ng mga ito sa kanya. Nevertheless, their attraction to each other started to bloom.
Hindi rin nagtagal ay nauwi sa ligawan ang dating pagtitinginan ng dalawa. At marahil ay hindi na rin mapigilan ni Cress ang nararamdaman kay Aldren kung kaya’t bumigay din siya’t sinagot ang lalaki. Everything’s going fine naman daw, at lagi niya ring pinaalalahanan si Aldren na hindi siya pwedeng dumalaw. Sinasabi niya rin sa nobyo na hindi siya pa talaga siya pwedeng magkaroon ng kasintahan. Tanggap naman ni Aldren iyon, at naging kampante naman si Cress sa sa usapan nila.
“Pero ang pinakamalaking pagkakamali ko e yung gumawa ako ng sign, at hiningi ko pa talaga mismo kay Lord. Dapat kasi hinayaan ko lang si Lord na magbigay sa akin e, hindi yung ako pa yung humingi!”
So that explains it all. Kaya pala nanggagalaiti siya sa akin kanina sa ‘sign’ topic dahil siya mismo ay nakaranas ng hindi maganda mula sa resulta nito.
“E ano bang sign yang hingi mo kay Lord ha?”
“Kasi,” kumamot siya sa ulo niya. “Sabi ko kasi, pag dumalaw siya sa bahay siya na talaga. Seseryosohin ko yung relationship namin.”
“Ha?” ang nasabi ko sa gulat ko. “E hindi mo nga siya pinapadalaw diba? Adik ka ba?”
“Yung may consent ko syempre. Yung ibig kong sabihin sa sign na yun e kahit alam niyang pinagbawalan ko siya e gagawa siya ng paraan para makadalaw. Yung kahit magalit sa kanya si papa e haharapin niya yung galit at ipagpapatuloy pa rin yung paghingi ng consent niya kila papa..”
“Well, that’s a dare not a sign.”
“Hindi ko naman sinabi sa kanya, so it’s not a dare. Haha.”
At dumating nga ang hindi niya inaasahan. Bumisita sa bahay nila si Aldren na may dala-dalang bulaklak at cake. Walang pasabi si Aldren sa kanya na bibisita siya, kung kaya’t labis din ang kaba niya nung mga panahon na iyon. Wala rin sa mood ang papa ni Cress noon dahil nagkaproblema sila sa negosyo. Naisip niyang ito rin yung sign na hinihingi niya, na finally ay magkakatotoo. Pero iba ang pakiramdam niya sa pwedeng mangyari. In the first place, kailangan muna ng consent niya para mapaghandaan niya’t makaisip ng magandang paraan para masuyo ang mga magulang. Pero heto nga’t hindi siya makapaniwalang si Aldred nga ang nakita niya mula sa bintana niya, at nagtangkang bumisita.
“Sino ka?” saktong si tito Romy, ama ni Cress, ang nagbukas ng pinto ng bahay nila.Agad nitong tinignan ng masama si Aldren.
“Ako po si Aldren, boyfriend po ni Cress.” Kakamayan sana ni Aldren si Tito Romy pero hindi ito pinansin ni tito.
“Boyfriend?” laking pagtataka ni tito. “Walang boyfriend ang anak ko! Bawal pa siyang magka boyfriend!”
“Alam ko po, pero-“
“Aldren?” di kalaunan ay dumating din si Cress mula sa kwarto niya.
“Cress!” tuwang sabi ni Aldren. “Para sayo!” iniabot niya ang mga bulaklak at cake na dala.
“Umalis ka na ngayon din!” medyo inis sa sabi ni tito Romy.
“Dad?” awat ni Cress.
“Young lady, you go upstairs right now!” pahiyaw na sabi ni tito, at siya namang agad na sumunod. Pero bago umalis ay tumingin na muna si Cress sa nobyo na may mukhang maraming gustong itanong at sabihin. Wala rin naman siyang choice kundi ang sumunod. Kung ano ang sumunod na nangyari ay hindi na niya alam.
Maya-maya pa’y umakyat si tito at galit na galit. Kinuha ang laptop at cell phone niya, at grounded pa siya for a month. Yes, for a month! Isang malaking pagsubok ang dumating kay Cress. Hindi niya alam kung ipaglalaban ang kasintahan o manatiling nakasunod sa nais ng ama. Pero kahit na ipaalam ang nararamdaman ay wala pa rin siyang magagawa.
Mabuti na lang din at naisipan niyang ihiwalay ang cell phone na gamit para makausap si Aldren. Nakatago itong mabuti sa loob ng drawer at walang sino man ang agarang makakahanap nito kundi siya lang. Ilang tawag agad ang natanggap niya at texts na naghihintay sa reply niya.
‘Aldren..” reply niya.
Ilang segundo lang ng pagkakasend ng text niya ay nakatanggap agad siya ng tawag. Agad niya itong sinagot. Pero puro masasakit na kataga lang ang nabitawan ni Aldren at syempre ay mas naging masakit para sa kanya ang pangyayari.
“Bakit hindi mo ako dinipensahan? Why did you let that thing happened to us? I was just humiliated! Napahiya ako ng sobra, and to know ginastusan ko yung mga dala ko kanina!” ngawa ni Aldren.
Hindi akalain ni Cress na ganun ang ugali ni Aldren. Ang inaasahan talaga niyang sasabihin ni Aldren e kung kamusta siya, na nagaalala siya sa kung ano ang nangyari sa kanya. But it was the other way around.
“I thought you’d be worried about me.” Sagot ni Cress sa lahat ng sinabi ni Aldren.
“Worried? Dapat ako ang nagsasabi niyan diba? What the heck, Cress!”
Mula sa usapang hindi inaasahan ay tuluyan nang nagulo ang pag-iisip ni Cress at lumuha.
“You just ruined everything. Everything that I planned! Cress, I don’t need a girlfriend who wouldn’t stand up for our relationship. I.. I want a break up. It wouldn’t be easy but, good bye.”
“What? Aldren-“
Bago pa siya makapagsalita ay wala na siyang narinig sa kabilang linya.
“And I also don’t need a boyfriend who only thinks about himself.”
“Teka, teka. Medyo nalilito ako e, saan ka ba talaga galit? Dun kay Aldren o sa ginawa mong sign-sign?” tanong ko nang matapos siyang magkwento ng nangyari noon.
“Ewan ko!” sagot niya.
“Ang labo mo pala kausap e!” binato ko sa kanya ang yakap-yakap kong unan.
“Um!” hinampas niya pabalik yung unan. “Namimihasa ka na ah! Kanina ka pa nanghahampas ng unan!”
“E ikaw naman kasi e,” kinuha kong pabalik ang unan mula kay Cress. “Ang weird ng istorya mo. Lalo na yang Aldren na yan!”
“I know,” sagot niya. “Kaya nga naiinis ako sa sign na yun e. Masyado kong pinanghawakan, wherein mas mahalaga kung mas nakilala ko muna siya bago ko siya pinahalagahan ng sobra.”
“Hinde yon, sana mas kinilala mo muna siya bago mo siya sinagot! Everything started there even before you made that sign!”
“Oo na po mam! Ang tanga ko po kasi! Sorry na po, first time ko mainlab madam!”
“E may balita ka pa ba sa mokong na yun?” sunod kong tanong.
“Well, after he dumped me, at ang kapal pa talaga ng mukha na siya pa ang tumaboy sa akin, I tried to contact him. Syempre, hindi pa ako nakakapag move-on non kaya medyo may katangahan pako.” Sabay tawa niya. “Tapos over a month, nung free na ako sa grounded ko, binibisita ko yung school niya. Mala-stalker ako. And one time nung pumunta ako ng uwian nila e me kaakbay siyang babae. A new girl, I think?”
“Pinagpalit ka niya agad?”
“Hindi lang yon!” dagdag pa niya. “Ayon sa nakalap kong balita noon, he’s courting that girl already nung kami pa. Balak niya talaga akong i-two time. So happy naman siya nung nagbreak kami kasi may reserba siya, tapos ako naggagagahol sa walang kakwenta-kwentang tao. Don’t worry couz, natuto nako pramis!”
“Well, I sure can see that on your gestures,” sagot ko. “Kaya ba nagmamala-boyish ka dahil sa naranasan mo? Tumigas na ba yang pusong minsang tumibok at umibig?”
“Hoy, hindi tayo gumagawa ng story ha. Itigil mo na nga yang mga poetic words mo.” Pagpapatigil niya sakin. “Ayoko na munang maattract sa lalaki. Gusto ko mingle na lang muna, haha!”
“E pano kung bumalik si Aldren?”
“Yon? Yung kumag na yon babalikan ako?” sabay tawa niya. “Pero actually, gusto nga niyang bumalik.” Sabay pagiging seryoso niya. “Inaadd ako sa Facebook, tapos may naka-attach na message pa. Sabi niya gusto niya daw akong maging kanya ulit, porket mahal niya talaga ako’t alam na niya kung paano ako pahahalagahan blablabla whatsoever. Binlock ko nga.”
“Haha! That’s my couz!”
Maya-maya pa’y may kumatok na sa kuwarto ni Cress. Si Chadwin, kapatid ni Cress.
“Ate Cress, Ate Len! Baba na daw kayo, dinner na tayo!”
Dinner? Napatingin ako sa bintana. Madilim na pala, hindi namin namalayan ng dahil sa kwentuhan.
“Hi Chadwin!” bati ko habang nag-aayos ng sarili. Si Cress naman ay inayos ang mga kinainan naming ng cake. “Hindi kita nakita kanina ah?”
“Ate Len naman, Chad na lang!” napakamot siya sa ulo niya. “Panget ng Chadwin e!”
Natawa lang kaming dalawa ni Cress sa narinig. “Sige sige, susunod na lang kami Chad-win!” sabi ni Cress. Sabay tawang muli.
“Whatever ate Cress.” Pang-iisnob ni Chad. “Ay ate Len, nasa baba po si tita, dito na daw po kayo kumain!” ang mama ko ang tinutukoy niya.
Um-oo lang ako’t sabay na kaming tatlong bumaba para kumain.
After I heard her first love story e naintroduce sa akin ang ibang side ni Cress at mas naintinihan at nakilala ko siya. She’s not actually the type the way I described her before. No, hindi siya pusong babae. She really owns a heart of a lady, isang pusong madaling masaktan kung hindi pag-iingatan. A brave girl that would never let herself be in a situation that she will regret again.
Napansin ko ring mas gumaan ang mga ngiti ni Cress. Wala na siyang kinikimkim, malamang ay nasabi niya rin sa isang mapagkakatiwalaang tao ang lahat ng saloobin niya, tulad na lang ng ginawa ko kanina. I felt good relieving a special person’s burdens.
As for me, the confusion’s over. Haharapin ko ang isang paibagong araw na may panibago ring inspirasyon!
